zinda hai azadari
zinda hai zinda hai zinda hai azadari..(2)
ye qaum kaha haari, zinda hai azadari
marne ki hai tayyari, zinda hai azadari
sunle ye har ek naari,zinda hai azadari
seeno me hai bedaari, zinda hai azadari
hai zarb yahi jaari, zinda hai azadari
zinda hai azadari,zinda hai azadari..(2)
eeman ki sarshari, zinda hai azadari
zinda hai azadari,zinda hai azadari..(4)
1. Is daur e shahadat me (jeene ki hai dushwari)
lekin ye sadaqat ka ab bhi hai safar jaari
ham ehle aza haq ki karte hai tarafdari
duniya ke yazidiyo se ye qaum kaha haari
2. Rakhe hai muqabil me teero ke badan hamne
ansare husaini se seekha hai chalan hamne
matam ki fazao me pehna hai kafan hamne
marne se nahi darte marne ki hai tayyari
3. wo sar jo sare maqtal jo zulm pe chaya tha
jis sar ko laeeno ne naize pe uthaya tha
jis sar ki balandi ka har gaam pe saaya tha
qatil se koi kehde us sar ki hai sardaari
4. zalim se koi kehde kyu humko satate ho
tum maut ki wadi me kis kis ko sulate ho
kitne hi charagho ko tum roz bujhate ho
fir bhi hai har ek ghar me dekho ye azadari
5. ye majliso matam bhi sadqa hai shaheedo ka
hai khoon ki lehro me ek josh aqeedo ka
jo dil se husaini hai munkir hai yazeedo ka
aisa hi husaini ko bay'at se hai inkaari
6. hai aaj sabhi shamil is majliso matam me
jo ghair hai apna hai is shehre moharram me
dil sab ke tadapte hai tafreeq nahi gham me
tehzeeb e aza dekho millat hai yaha taari
7. hai zere alam marna, hai zere alam jeena
anware imamat ka panje me hai gan jeena
noori hai har ek jazba noori hai har ek seena
marte hai kaha noori sunle ye har ek naari
8. jaata hai juloose ghum raftare qadam dekho
abbas ki ulfat ka ye jaho hasham dekho
maula ke julooso me aage hai alam dekho
abhi hai alam ucha baqi hai alamdari
9. ek daste burida se hamko jo mohabbat hai
matam ka safar ab bhi us haq ki badaulat hai
us haq ke julooso me uski hi qayadat hai
ye zikre wafa saara hai deen ki saalari
10. ye shaane azadari mane na koi mane
har mod pe majlis hai har gaam azakhane
ek shamme shahadat ke hai gard ye parwane
ankho me to ansu hai seeno me hai bedari
11. ek dars hilaal aisa majlis ko naya denge
paighame husaini se zehno ko jaga denge
matam ki sadao se duniya ko hila denge
hai gunj yahi baqi hai zarb yahi taari
zinda hai azadari,zinda hai azadari..(4)
zinda hai zinda hai zinda hai azadari..(2)