Skip to main content

Latest Nauha Update

Ai Shareekatul Hussain Ai Binte Murtaza Zainab lyrics Abbas Haider Lalji Nohay

WAH HAMSHAKLE NABI - SHADMAN RAZA 2006 MANQABAT

Shadman Raza (2006)
Wah hamshakle nabi
Wah hamshakle nabi.....x4

Akbar jamaal kudrat e parwardigar hai
Akbar khudai husn ka aaina daar hai.
Laila ka maan ibne Ali ka waqaar hai.
khaaliq ko jispe naaz ye wo shahkar hai.
Jiska nahi jawab ye wo lajawab hai.
Ye hubahu shabih e risalat ma'aab hai.

Wah hamshakle nabi.....x4

Ho iske rubaru bhala kya daaghdaar chaand
Muh abr me chhupake chale barbar chaand
Waise muhavre me to hote hai chaar chaand
Akbar ne karbala ko lagaye hazaar chaand
Paya hai chehra misle payambar isiliye
Rakha gaya hai naam bhi akbar isiliye

Wah hamshakle nabi.....x4

Naa subho hai naa raat barabar ka waqt hai
Ibne Ali ke mehre munawwar ka waqt hai
Tafseer surah e rukhe anwar ka waqt hai
Ye zikr hazrat e ali akbar ka waqt hai
Tauqeer badrahi hai dar e buturaab ki
Aamad hai phir jahaa'n me risalat ma'aab ki

Wah hamshakle nabi.....x4

Shabbir ko wirasat e khairul wara mili
Abbas ko shuja'at e shere khuda mili
Qasim ko azmate hasan e mujtaba mili
Is ghar me shaan sabko khuda se juda mili
Zainab ne paya rutba e aala batul ka
Akbar ko milgaya hai sarapa rasool ka

Wah hamshakle nabi.....x4

Gesu bhi noor chehra e tahir bhi noor hai
Paikar bhi noor sina e aamir bhi noor hai
Baatin bhi iska noor hai zaahir bhi noor hai
Hadh ye ke is qaseede ka shayar bhi noor hai
Beta mila hai aisa nirala husain ko
Hairat se dekhta hai ujala husain ko

Wah hamshakle nabi.....x4

Ab tazkera hai akbar e khushruh ki jang ka
Khaaro'n se dashte zaar me khushbu ki jang ka
Baazu e kirdigar ke baazu ki jang ka
Sar chad ke bolte hue jaadu ki jang ka
Nazre uthake dekha to har saf ulatgai
Khud maut iske pairo se aake lipatgai

Wah hamshakle nabi.....x4

Akbar ne tegh khaichi udhe beparo ke sar
Ki jab nigaha katgaye deedawaro ke sar
Zadpar ajal ki aaye jo fitnagaro ke sar
Shaano se khud hi girne lage khudsaro ke saro
Tha shor bhaago jang se haatho ko jhaadke
Lo aagaye Ali dar e khaibar ukhaadke

Wah hamshakle nabi.....x4

Manzar ye kaarzaar ka kaise karu bayaa'n
Akbar ki tegh aaj ajal ki hai tarjuma
Talwar ki chamak me tadapti hai bijliya'n
Khaime ke dar pe shah e zamana hai 'SHADMAA'N'
Ulti sipah 'NOOR' Ali uske baar ne
Uth uth ke daad di hai usey zulfiqar ne.

Wah hamshakle nabi.....x4

Popular posts from this blog

DUA FATIMA KI HUM EHLE AZA HAIN - SHADMAN RAZA 2007 MANQABAT

Shadman Raza (2007) Dua Fatima Ki Dua fatima ki hum ehle aza hai hume aazmane ki koshish na karna muqallid hai meesam ke daaro rasan se kabhi bhi darane ki koshish na karna 1. Wilayat ke munkir se ye keh rahi hai lahu ki taharat sada de rahi hai najaf ki zami hai saqifa nahi hai yaha aap aane ki koshish na karna dua fatima ki.. 2. Waha bhi ali ne ki mushkil kushai lehed ke sirhane se aawaaz aai azadar e sarwar hai sone do isko farishto jagane ki koshish na karna dua fatima ki.. 3. Kajawo ka mimbar banaya nabi ne ye hukme khuda hai bataya nabi ne ali ke siwa janasheen e mohammad kisi ko banane ki koshish na karna dua fatima ki.. 4. Musalsal ha pehra waha ambiya ka jaha par saja hai alam bawafa ka khabardar kehde koi mushkilo se waha aane jane ki koshish na karna dua fatima ki.. 5. Khuda hukm deta hai mere Mohammad kiye jaye sajdo pe sajde Mohammad husain aapki pusht par aagaye hai abhi sar uthane ki koshish na karna dua fatima ki.. 6. Khuda ki qasa...
Read more >>

ZIYARAT E AMEENULLAH (ENGLISH, ARABIC,ROMAN ENGLISH

ZIYARAT AMEENULLAH The fourth comprehensive form of ziyarah is the previously cited form known as Ziyarah Aminullah. It has been placed as the second form of ziyarah of Imam ‘Ali Amir al-Mu’minin (‘a). This form begins with the following statement: اَلسَّلَامُ عَلَيْكَ يَا اَمِيْنَ اللهِ فِىۤ اَرْضِهَ وَ حُجَّتَهُ عَلٰى عِبَادِهِ‏ اَشْهَدُ اَنَّكَ جَاهَدْتَ فِىْ اللهِ Through considerable chain of authority, it is narrated on the authority of Jabir (ibn ‘Abdullah al-Ansari) on the authority of Imam al-Baqir (‘a) that Imam Zayn al-’Abidin (‘a), once, visited the holy tomb of Imam ‘Ali (‘a). He stood at the tomb, wept, and pronounced the following words: اَلسَّلَامُ عَلَیْكَ یَا اَمِیْنَ اللّٰهِ فِیْ اَرْضِهٖ وَ حُجَّتَهٗ عَلٰی عِبَادِهٖ اَلسَّلَامُ عَلَیْكَ یَا اَمِیْرَ الْمُؤْمِنِیْنَ اَشْهَدُ اَنَّكَ جَاهَدْتَ فِی اللّٰهِ حَقَّ جِهَادِهٖ وَ عَمِلْتَ بِكِتَابِهٖ وَ اتَّبَعْتَ سُنَنَ نَبِیِّهٖ صَلَّی اللّٰهُ عَلَیْهِ وَ اٰلِهٖ حَتّٰی دَعَاكَ اللّٰهُ اِلیٰ جِوَارِهٖ فَقَبَضَكَ ...
Read more >>

HAIDER HAIDER HAIDER LYRICS - FARHAN ALI WARIS MANQABAT 2015

Read more >>