Skip to main content

Latest Nauha Update

Ai Shareekatul Hussain Ai Binte Murtaza Zainab lyrics Abbas Haider Lalji Nohay

BAAP -SHADMAN RAZA 2010 MANQABAT

Shadman Raza (2010)
BAAP
Din dhale jab karke mazdoori Raza aata hai Baap..(2)
Dekh kar hanste hue bachon ko sukh pata hai baap

Samne Ankhon k jis bete ke mar jata hai baap
Lamha lamha zindagi bhar usko yaad ata hai baap

Jane kitne khwab karte hain safar bache ke sath
Ghar se pehli bar jab school le jata hai baap

Umar bhar rehti hai us bete ke dil me ik khalish
Jab tarakki dekhne se pehle mar jata hai baap

Thaam kar ungli jise chalna sikhaya muddaton
Ek din uske sahare ko taras jata hai baap

Jab numaya kamiyabi chume bete ke qadam
Nazr dilwati hai maa, sajde me gir jata hai baap

Zindagi bhar chalta rehta hai mashinon ki tarah
Maut ki godi me ek din thak k sojata hai baap

Rote rote bus yahi kehta hai wo haye Hussain
Jab kabhi apne jawan bete ko dafnata hai baap

Koi un bachon se puche kya hai shadi ka maza
Byaah ki tareekh rakh kar jinki mar jata hai baap

Roz e ashura bana deti hai maa saqqa hume
Ek chota sa uthane ko Alam lata hai baap

Roke zainab s.a ne kaha baba bhara ghar lut gaya
Jab shabe sham e garibaan me nazar aata hai baap

Kya kahunga haal e Asghar poch bethe jo rubab
Agey jata hai kbhi peeche palat aata hai baap

Mangne aati hai jab darbaar me baag e fidak
Ghamzada beti ko jane kitna yad ata hai baap

Hone hi wali hai is sham e garibaan ki sehar
Bazuon ko choom kar beti ko samjhata hai baap

Qaid khane me hua kohraam bacchi mar gai
Khuwab me ek shab sakeena ko nazar aata hai baap

Ye azadari ka sadqa hai jo barzakh me Raza
Majlison me rote hain hum or jaza pata hai baap..

Popular posts from this blog

Ai Shareekatul Hussain Ai Binte Murtaza Zainab lyrics Abbas Haider Lalji Nohay

  Ai Shareekatul Hussain Ai Binte Murtaza Zainab Sadqa Hussain Ka Suno, Ham Sab Ilteja Zainab Shabbir Ri Ki Raza Mai Teri Razi Hai Shaamil Tera Sabr To Mola Shabbir Sahiba Mil Tu Fatima, Tu Haider Tu Hassan-e-Mujtaba Tu Ghairat Panjetan Hai Tu Binte Abu Talib Kar Ham Pai Karam Aisa Muskil Pai Ham Ho Ghalib Mushkil Kusha Ki Beti Kar Mushkil-e-Kusha Zainab Ban Kai Hussain Ki Hai Abid Ki Rehnumai Laila Nay Ali Nay Di Tareekh Ki Gawahi Tu Fatima, Tu Ismat Tu Ayat-e-Khuda Zainab Tu Faath Shaam Bibi Tujh Sai Imam Bibi Har Aik Tere Dar Pai Haajat Tamaam Bibi Har Aik Pursadaar Ko Ab Shaam Mai Bula Zainab Khaime Mai Mole Ne Jab Akbar Ki Tilwat Ki Qasim O Ali Asghar Wo In Sai Khitabat Ki Shabbir Ka Bani To Us Baat Hosila Zainab Laiker Dua Aaye Tere Dhar Pai Azaadaryai Tere Bhaiyyo Kai Behto Kai Aaye Haijo Ghamkhaar Yai Ho Mustajaab Sab Nai Maangi Hai Jo Dua Zainab Tu Woh Ali Ki Beti Jo Shaam Mai Ali Hai Tere Hi Sadqe Bibi Mushkil Jo Hal Huwi Hai Mamnoon Hai Jo Tera Khud Rabbay Kibriya Zainab...
Read more >>

Is baat se zahir hai rutba ali akbar ka Soz Lyrics Mir Hasan Mir 2005

Is baat se zahir hai rutba ali akbar ka..(2) Hota hai azaano me charcha ali akbar ka ..(2) 1. Ae hurr teri qismat ne, kyu aaj ye karwat li ..(2) Kya subho ko dekha tha chehra ali akbar ka 2. Shabbir jhulate the abbas ke jhule ko ..(2) Abbas jhulate hai jhula ali akbar ka 3. Pucha gaya yusuf se jab husn ke baare me ..(2) Has kar kaha ye to hai sadqa ali akbar ka ..(2) 4. Laila ne kaha baithu, kis tarha mai saye me ..(2) Phirta hai nigaaho me chehra ali akbar ka ..(2) 5. Pucha gaya jab sheh se kyu kham hai kamar maula ..(2) Bole ke uthaya tha laasha ali akbar ka ..(2) Hota hai azaano me charcha ali akbar ka ...Shared using Nauha Lyrics
Read more >>

Salaam Us Pe Jo Karbal Basa Ke Soya Hai Soz Lyrics Hasan Abbas 2019

SALAAM US PE JO KARBAL BASA KE SOYA HAI Salaam us pe jo karbal basaa ke soya hai Durood us pe jo ghar ko luta ke soya hai Salaam us pe jo khud to ujad gaya lekin Khuda ke deen ki basti basa ke soya hai Ham us husain ko dil se salaam karte haiñ Jo khud ko marziy e haq par mita ke soya hai Salaam us pe ke seh roz khud raha pyaasa Magar jo pyaas wafa ki bujha ke soya hai Hamaare sar pe hai ahesañ janaabe hur ka jo Hunar najaat ka jag ko sikha ke soya hai Salaam karte haiñ us chhe maheene waale ko Ke teer kha ke bhi jo muskuraa ke soya hai Durood un pe ke jin ko habeeb kehte haiñ Jo apne yaar se yaari nibha ke soya hai Hamaari jaaneiñ ho qurbaan husn waale par Jigar pe neze ka jo zakhm kha ke soya hai Salaam syed e sajjad par jo duniya meiñ Gham e husain ki duniya bana ke soya hai Durood us pe ke karbobala ki dharti par Jo laaelaah ki qismat jaga ke soya hai 'Hasan' yun jee ke maro ke kahe ye kal duniya Charaagh e zikr e bahattar jala ke soya hai ...Shared using Nauha Lyrics
Read more >>