Allah kya jigar tha
Ek dopher mei apna bhara ghar loota diya
Allah kya jigar tha janabe hussain ka (2)
Zakhmi badan firake pisar tashnagi alam
Tanhayi fauje shaam ka nargah naye sitam
Ansaro akraba ka bichadne ka dil mei gham
Khaime se aarayi thi sadaey buka baham
Jab aaye izn lene ko abbas bawafa
Hasrat se unko dekh ke shabbir ne kaha
Jao sidharo bhai nigehbaan hai khuda
Hum jaante hai door nahi aap se qaza
Jis waqt isteghasaye abbas ko suna
Jate the ran mein thokre khate shahe huda
Nagaah ek simt pe bazu pada mila
Dil tham kar hussain ne usko utha liya
Bhai ke baad ran mein gaya naujawa'n pisar
Barchi ne tukde kar diya uska dilo jigar
Pohche qareeb laashe ke aur bethe khaak par
Barchi jigar se khechi tu hatif ne di khabar
Ayyub dekho sabr e shehenshah e karbala
Tanha jawaan laal ka laasha utha liya
Haatho pe leke khaime ke janib jari chala
Dekha na hoga aisa kisi dil ka hausala
Sab fauj qatl ho gayi aab koi bhi nahi
Narga kiye hai shaam ke aada udoo e dee'n
Barsa rahe hai teero ko har simt se laee'n
Haatho pe apne laate hai banu ka mehjabee'n
Maidan mei sheer khwaar ko laye juhi hussain
Khoya sipahi shaam me apna sukuno chain
Peta gale se lipta hua kar raha tha bain
Kis sabr se juda kiya woh shahe mashreqain
Dafna ke sheer khwar ke laashe ko shahedeen
Aaye khayame zainab e kulsum ke qaree
Lipti sakina qadmo se dil sogta hazee'n
Baba naa aap jaaiye kehti thi mehjabee'n
Lipta ke apni beti ko sarwar ne yeh kaha
Sab hogaye aneeso aaizza mere juda
Hum jaaye qatl gaah mei ye marziye khuda
Ran ko sidhare kehte huwe shaah alwida